O antropólogo estadounidense Joseph Campbell escribiu, en relación á cuestión mitolóxica, que o heroe lánzase á aventura desde o seu mundo cotián a rexións de marabillas sobrenaturais, e neste sentido tropeza con forzas fabulosas e acaba obtendo unha vitoria decisiva para regresar desa aventura co poder de outorgar favores aos seus semellantes.

Pilar González Álvarez, no seu Fluír coa vida retoma o principio de «monomito», para estruturar un libro de autoaxuda que nos permita obter unha vitoria fronte a todas as cousas que nos deteñen e non permiten realizarnos plenamente. Afundindo as súas raíces no concepto da viaxe, pero dunha viaxe no que a toma de conciencia ou «o darse conta» é o propio camiño e tamén o destino último.

Pode dicirse que ao «transcorrer polo camiño», o ser humano atopa maior satisfacción e benestar, e increméntase a liberdade e a súa propia capacidade de elixir. En palabras da autora, "Como adoita dicirse, o que importa non é a meta senón o carreiro. O libro en si mostra un camiño, non é o único, hai moitos para alcanzar o mesmo obxectivo, pero camiñar por el xa é decisión de cada un".