Comezou en Cotobade a Transgalaica2016 e fíxoo como finalizou a anterior, coa vitoria de Javi Busto nun durísimo día de competición debido ás adversas condicións meteorolóxicas. Secundáronlle no podio Manuel Parada e Diego Álvarez aínda que a máis de 2 minutos.

A Carballedo, punto de saída da proba, achegáronse máis de 400 corredores o que supón un auténtico record de participación. O percorrido inicialmente previsto houbo de ser modificado debido ás fortes choivas caídas os últimos días quedando a distancia final en 55 kms.

Na categoría feminina vitoria de Lara Lois (Clube Ciclista O Grove) por diante de Isabel Picoaga e Ana María González.

A segunda proba da Trasgalaica disputarase o próximo 13 de marzo no Concello de Tui.