Unha saída de vía na A-52, ao seu paso polo concello pontevedrés de Salvaterra de Miño, saldouse cunha muller ferida. Aconteceu no quilómetro 286 da vía. Un particular deu a voz de alarma ao 112 Galicia ás 11:00 horas desta mañá. Segundo relatou outro particular noutra chamada ao CAE 112 Galicia, no sinistro víronse implicados un turismo e un camión. De inmediato, o 112 Galicia alertou do accidente aos Bombeiros do Baixo Miño e de Ponteareas, aínda que finalmente non foi precisa a súa intervención. O persoal do 112 Galicia tamén deu conta dos feitos a Urxencias Médicas, Garda Civil de Tráfico e ao persoal de mantemento da estrada.