Dous vehículos arderon esta noite no interior do garaxe dun edifico do concello pontevedrés de Salceda de Caselas. Aconteceu na rúa de Lugo. Un particular alertou do suceso ás 2:30 horas desta madrugada, despois de decartase de que saía fume do garaxe. O CAE 112 Galicia informou aos Bombeiros do Baixo Miño, que se desprazaron de inmediato ao punto.

O persoal do CAE 112 Galicia tamén puxo os feitos en coñecemento de Urxencias Médicas e da Garda Civil. Finamente, arderon por completo dous vehículos. Ningún dos outros coches estacionados no garaxe sufriu danos. Tampouco houbo feridos. Segundo explicaron os Bombeiros, que continuaron durante horas arrefriando a zona, o lume podería ser intencionado.