A Concellería de Parques e Xardíns, que dirixe Orlando Vázquez, empezou o tratamento preventivo de 44 palmeiras do Porriño contra a praga de picudo vermello que, dende hai varios meses, espallouse por boa parte da xeografía galega e está a apodrecer estas árbores.

Persoal da empresa Galidés fumigará todas as palmeiras na primeira parte do tratamento contra o ataque deste insecto, fumigación que debe repetirse en xuño e, unha terceira vez, en setembro ou outobro para asegurarse de que o picudo vermello non afecta as palmeiras, segundo explicou o concelleiro.

Especialistas de Galidés sinalaron que cando a larva do insecto anida no interior da árbore o dano é prácticamente irreversibel, polo cal, tal e como se indica no protocolo definido polo Goberno de Galicia para atallar esta proliferación, a prevención é o xeito máis afectivo de combatila.

Este tratamento, que terá un custo de 10.000 € anuais, protexe ás palmeiras canarias, ás máis numerosas no Porriño, e as datileiras, que son as que están sendo máis afectadas en toda Galicia polo picudo.

Ademáis, da vixianza constante das árbores, a choiva e o frío son outros dous factores que "benefician" a loita contra esta praga que, como poido comprobarse no Levante, espállase con máis virulencia e rapidez en condicións de calor e falla de humidade.