Case un centenar de nenos e nenas de 1º curso do CEP Altamira realizaron esta semana  unha visita ao edificio do CDL do Torrón, para coñecer tanto as instalación como as actividades que nelas se ofrecen. Os cativos e os seus mestres foron recibidos pola Concelleira de Formación e Emprego, Loli Castiñeira, que lles presentou o persoal que nese momento prestaba os seus servizos no edificio.

Posteriormente, os técnicos Claudio González, Pedro Álvarez e Jacobo Curto ensináronlles as instalacións aos cativos, que puideron visitar as aulas de carpintería e informática e o salón de actos. A xornada rematou coa visita á aula de hostalería, onde os nenos e nenas disfrutaron dun almorzo a base de froitas e zumes, atendidos pola Bolsa de Voluntariado do Concello de Salceda.

A visita enmárcase dentro da iniciativa do CEP Altamira, de amosarlle o entorno máis próximo ao alumnado, o que se traduce en visitas como esta, que se suman ás xa realizadas ás instalacións da Policía Local, Correos, a Casa da Música ou a Casa da Cultura entre outras.