Novos Cinemas abre hoxe a convocatoria para a primeira sesión de Resonancias, na que se escollerá un dos títulos a competición a partires das propostas dos críticos cinematográficos. Con esta iniciativa o festival busca dar voz ás firmas máis novas, especialmente as xurdidas de internet, e estabelecer un diálogo entre crítica e público. Para isto contan coa colaboración da Asociación Cultural Convergencias de la Crítica Cinematográfica, que xa se encargou da sección da crítica en diversos festivais do territorio español.

As películas suxeridas polos críticos deberanse axustar á sensibilidade estética de Novos Cinemas, e só poderán ser primeiras ou segundas obras dos seus respectivos autores estreadas no período 2015­2016. O prazo de presentación de propostas remata o 15 de abril e pode consultarse toda a información na web do festival: www.novoscinemas.com