Dente a  plataforma Pediatría Colapsada e Inaccesible celebran o “ remate dunha etapa e o comezo de outra”. Despois da firma, o pasado día 29,  polo Conselleiro de Sanidade, Jesús Vázquez Almuiña e o alcalde Marcos Besada, do convenio de colaboración para a construción do tan esperado Centro de Saúde.

A plataforma asegura que esta “moi contenta por chegar ata este punto, esperamos poder gozar do novo Centro de Saúde o antes posible, para ter a accesibilidade que todo o mundo se merece”.

En canto a crear prazas novas de pediatría ou médico de familia, explican que “teremos que esperar a ter este novo Centro de Saúde en funcionamento, e que sanidade estime oportuno crear estas prazas en función dos usuarios nese momento. Por suposto haberá mais salas de consultas e enfermerías que no actual”.

Por último queren dar as “grazas a toda a xente que nos apoiou. Creemos que o noso esforzo esta sendo recompensado pasiño a pasiño, ata chegar o final”.