O Concello de Salvaterra de Miño e a Cámara de Monçao presentan para o próximo fin de semana unha actividade que se engloba dentro das actividades organizadas pola Eurocidade Salvaterra – Monçao

Este proxecto  pretende reforzar identidades e solidificar as relación culturais e, por extensión, da cidadanía entre a rexión galaico – portuguesa.

 
A temática pensada para este encontro estará vinculada á importancia da muller, ao seu destacado papel na literatura, na arte e na historia ao longo dos anos. Con tal motivo, este encontro cultural empezará coa inauguración dunha exposición de varias obras de pintura, escultura e fotografía, onde participan máis de 40 artistas, e que se inaugurará o próximo 8 de abril ás 18.00h no Castelo de Dona Urraca, situado no Recinto Amurallado de Salvaterra de Miño, que contará con un total de 22 obras pictóricas e 4 escultóricas, de artistas tanto galegos como portugueses. As obras estarán expostas en tres lugares, na Casa Museu de Monçao, na Adega da Quinta de Santiago e no Castelo de Dona Urraca.  Estas exposicións estarán abertas do 8 ao 28 de abril.

 
E o 9 de abril terá lugar o Coloquio “Expresións da Cidadanía no Feminino” no Auditorio da EPRAMI,  que estará composto por dúas mesas. Ás 10.30h abrirase cunha mesa dedicada a Interacción entre xéneros na literatura, na historia e na Arte, e ás 15.30h a segunda mesa versará  sobre unha cultura de igualdade.