Un neno faleceu onte ao quedar baixo o tractor que conducía o seu pai no lugar de Viladime de Abaixo, no concello lucense de Sober. Ás 18:00 horas de onte, o irmá do falecido solicitaba ao CAE 112 Galicia asistencia sanitaria con urxencia para o seu irmá. Indicou que despois de caer do tractor no que viaxaba, o seu pai non o viu e o atropelou e, recibira un forte golpe na cabeza. De inmediato, requiriuse a intervención dos servizos sanitarios que mobilizaron ata o lugar o helicóptero medicalizado con base en Ourense, aínda que nada  puideron facer, mais que confirmar o falecemento do cativo.

Un grupo de psicólogos especializados que colaboran co CAE 112 Galicia en emerxencias graves e catástrofes (GIPCE), desprazáronse ata o domicilio familiar para atender á familia do cativo que tamén tiveron que ser atendidos polo persoal sanitario. Dende o 112 Galicia informouse  á  Garda Civil e aos Bombeiros de Monforte.