Con motivo da celebración da Medio Maratón Vig-Bay e o seu paso por Nigrán, este domingo 10 de abril, entre as 10.30 horas e as 13.30 horas, quedará restrinxido ao tráfico rodado de vehículos, impedíndose a súa circulación, nas seguintes vías:

• Priegue e Nigrán: Estrada pola Vía, dende Prado ata a rúa Castelao, rúa Castelao dende a Estrada pola Vía e ata a Avenidad Praia América.
• Panxón: rúas Arquitecto Palacios, Gondomar e Cidade de Vigo.
• Praia América: Avenida Praia América, e rúas Chans, Lourido Beiramar, Foz e Torrente Ballester.

Crearanse dous puntos de cruce de vehículos para os que circulen dende as zonas de Panxón e Praia América e se dirixan en dirección ao casco urbano de Nigrán ou cara Vigo, Baiona, Gondomar, etc.

1. Cruce de Panxón (rotonda da Estrada pola Vía con rúas Mariñeiro e Otero Pedrayo)
2. Cruce Concello (rotonda da Estrada pola Vía con rúa Castelao).

Estes puntos de cruce iranse habilitando en fases que se marcarán en función da densidade de participantes no transcurso da carreira.