As concelleiras de Benestar, Soledad Girón, e de Educación, Lourdes Moure, viaxaron a localidade sueca de Kristianstad representando ao Concello na conferencia internacional 'European Local Authorities Integration NetWork' (Rede sobre integración e autoridades locais europeas) dentro do programa 'Europa para os Cidadáns'.

As actividades do proxecto están orientadas á integración por medio do emprendimento e os programas de emprego e nas mesmas, ademáis do Concello do Porriño, estarán representantes dos servizos públicos de emprego de Suecia; autoridades locais da cidade de Göteborg-que presentarán un proxecto de educación profesional-de Malmö, que ven de desenrolar unha iniciativa para a promoción do autoemprego e espirito empresarial de xoves en situación de exclusión; o alcalde de Hässeleholm ou o representante da UE en Suecia.

As concelleiras porriñesas, compartirán as súas experiencias con representantes locais de Dinamarca, Reino Unido e Holanda, ademáis de Suecia, de cara á implementación de ideas e iniciativas semellantes no Porriño, como a posta en marcha da Escola de Canteiría en Torneiros.

A esta conferencia seguirán, os vindeiros 13 a 15 de xuño, a que se celebrará na localidade británica de Ipswich, en Suffolk, na que os representantes municipais tratarán da importancia da colaboración co voluntariado na integración de inmigrantes; e a III Conferencia de Catoira, sobre o deporte como canle de integración para refuxiados.