A Asociación de Comerciantes do Porriño (ACIPOR) e o Centro Comercial Aberto “Morea”  preparan xa a celebracion do día da Nai, que terá lugar o vindeiro 1 de Maio, na que ofrecerán aos consumidores importantes premios por mercar no comercio local. Os consumidores/as poderán así, atopar un amplo elenco de bens  e servizos para poder realizar as súas compras e agasallos nesta data sinalada.

Neste sentido, dende ACIPOR informaro que os compradores/as que realicen as súas compras nos centros adheridos ao CCA Morea, participarán nun concurso de 3 cheques agasallo por valor de 50 euros cada un, para gastar no comercio local.

Outro xeito de agasallar con Morea

Asimesmo, os compradores poderán optar por outra maneira de realizar os seus agasallos nesa data. Trátase das tarxetas-agasallo  do CCA Morea, que permiten ao agasallado a posibilidade de elixir o seu propio agasallo. Os interesados nas tarxetas-agasallo  poderán atopalas á venda nas Librerías Paz, Recondo e Copy Rey. O valor das tarxetas-agasallo será de 20 euros, 30 euros ou 50 euros, e poderán ser utilizadas para mercar en calquer establecemento adherido ao CCA Morea.