Un veciño de Baiona de 26 anos que responde ás iniciais de I.F.F. foi citado para xuízo rápido por alcoholemia esta semana despois de ser interceptado pola Policía Local de Nigrán a madrugada do venres, ás 5.15 horas, cando conducía baixo os efectos do alcohol nun KIA Ceed sentido A Ramallosa pola Avenida de Portugal.

Os axentes localizárono nesta vía cando realizaba un cambio de sentido prohibido ao pasar unha línea continua  entorpecendo o paso doutros vehículos e ao darlle o alto para denuncialo por esta infracción, decidiron practicarlle tamén a proba de alcoholemia ao percatarse de que presentaba signos de estar baixo os efectos de bebidas alcohólicas. O condutor arroxou nesta proba unha taxa catro veces superior á permitida, 1,13 miligramos de alcohol por litro de aire expirado, polo que se trasladou o seu vehículo ao depósito municipal.