A Asociación de Maiores, Pensionistas e Xubilados de Mos, ASOMAMOS, organiza dúas novas actividades: unha charla-coloquio sobre nutrición e o VIII Xantar ASOMAMOS.

A xunta directiva da Asociación define sendas iniciativas como “dúas boísimas ocasións para informarse sobre a correcta alimentación e para compartir unha xornada de convivencia ó redor da mesa durante un xantar que acada xa este ano a súa oitava edición”.

O VIII Xantar ASOMAMOS celebrarase o 8 de maio no Multiusos das Pozas contando coa actuación da Banda de Gaitas de Herville. A reserva das entradas poderá facerse na sede da Asociación no Multiusos, telefónicamente chamando ós números 986334903 e 679037299, ou a través dos colaboradores das distintas parroquias.

A charla-coloquio sobre nutrición celebrarase o vindeiro xoves día 21 de abril, ás 18.30 horas. Estará dirixida polo doutor Plácido Castro, Médico de Familia e especialista en Nutrición. Terá lugar no local da Asociación de Veciños Ledicia de Sanguiñeda con entrada de balde ata completar aforamento.