O 12 de abril de 2016, dous Citroën C4 Picasso efectuaron máis de 300 quilómetros en modo autónomo para participar nun evento europeo en Ámsterdam que reuniu a unha decena de construtores automobilísticos e aos ministros de transporte da U.E., actualmente baixo presidencia holandesa.

Os dous vehículos do Grupo PSA saíron de Vélizy en modo “Eyes off” (sen supervisión do condutor) para cubrir unha distancia de varios centos de quilómetros polas vías autorizadas entre París e Ámsterdam. Este modo corresponde ao terceiro nivel de funcións de condución autónoma: o condutor non ten ningunha necesidade de intervir e simplemente debe permanecer atento aos sistemas.

Esta nova etapa levou a cabo con motivo do evento europeo “The Experience” do 14 de abril de 2016, incluído no programa dun encontro informal dos ministros de transporte da Unión europea en Ámsterdam. Con anterioridade, o consello de ministros publicou unha declaración na que se facía un chamamento á colaboración entre os fabricantes e os diferentes gobernos. O obxectivo é acelerar a investigación e o desenvolvemento no campo da condución autónoma e evolucionar tanto os regulamentos como as infraestruturas.