Dende o departamento municipal do Rexistro Xeral mosense infórmase de que, segundo escrito remitido pola Oficina do Censo Electoral, e en cumprimento do establecido no artigo 39.2 da Lei Orgánica 5/1985, do 19 de xuño, do Réxime Electoral Xeral, ponse a disposición dos veciños do Concello de Mos, o servizo de consulta das listas electorais vixentes para que podan ser consultadas dende o 9 ata o 16 de maio, con motivo da vindeira celebración de Eleccións ás Cortes Xerais.

A consulta realizarase mediantes medios informáticos e, para acceder aos seus datos, poderán facelo no departamento do  Padrón de habitantes do Concello de Mos, previa identificación do interesado a través do DNI, pasaporte ou  permiso de conducir, en horario de luns a venres de 9.00 horas a 14.00 horas.