Os Concelleiros de GañaMos Francisco Vázquez Troitiño e Aurora Giráldez Leirós emitiron hoxe un comunicado queixándose ante a negativa da rexedora local á participación dos dous corporativos nunha reunión prevista coa Directiva da Asociación de Veciños de Petelos.

Troitiño e Giráldez aseguran que  o debate político e a representatividade da Asociación de Veciños de Petelos son aspectos  “totalmente diferentes” e que eles “nas expresións políticas” nunca actuaran como directivos da Asociación “se non como membros de GañaMos”;  e no marco da súa actividade política.

Finalmente a reunión celebrouse igualmente o  pasado dous de maio tras retirarse os concelleiros de GañaMos da mesma “para non perxudicar aos veciños” e esta puidose celebrarse sen eles presentes tal e como sucedeu. Aseguran que “a Alcaldesa reafirmouse na súa postura anunciando que non recibiría no futuro a esta Directiva se estaban presentes os concelleiros”.

Os concelleiros consideran “que esta forma de actuación é totalmente partidaria e sectaria xa que identifica  a representatividade que ccomo Alcaldesa ten de todos os mosenses”.