Policía Autonómica informa da investigación dos presuntos autores dun incendio forestal producido o pasado 27 de abril no lugar de Baldomar, parroquia de Santa Mariña de Covelo, concello de Covelo.

Funcionarios da Policía Autonómica de Vigo procederon á investigación de dúas persoas, unha muller e un varón, como presuntas autoras dun delito de incendio forestal.

Na actual campaña antiincendios, a Policía Autonómica investigou a 16 persoas por delitos relacionados cos incendios forestais

O lume produciuse cando os investigados, de maneira neglixente, realizaban unha queima de restos forestais. Polos feitos instruíronse dilixencias remitidas ao xulgado de Instrución de Ponteareas (Pontevedra).

Na actual campaña antiincendios, a Policía Autonómica xa leva investigadas a dezaseis persoas por delitos relacionados cos incendios forestais.