ESQUERDA UNIDA de Ponteareas, a través do seu concelleiro Lino Costas, fixo onte unha proposta que contempla unhas retribucións máis xustas para o novo inspector de policía da localidade.

Esta proposta ten en conta as retribucións -mediante os niveis de complementos de destino e complementos específicos- dos policías e oficiais de Ponteareas e dos inspectores doutros concellos da contorna.

"E é que, se facemos unha comparativa entre estes datos mencionados e a proposta da Xunta de Goberno do concello de Ponteareas, atopámonos cunhas diferenzas desproporcionadas, xa que por exemplo, o inspector levaría un gasto anual para o concello de case 20.000€ máis que un policía" explican.

A proposta de ESQUERDA UNIDA, contempla "rebaixar este gasto nun 12%, quedando as retribucións salariais do inspector en case 2.500€ ao mes ou 29.016€ ao ano, que xa son 2.000€ máis que un oficial".