Dende Gañamos sinalan que tres meses despois dos desperfectos producidos pola riada nas estradas mosenses “os danos orixinados  nas estradas continúan en boa parte”   e  ademais advirten que “deteriorouse  a sinalización de perigo  inicialmente posta, pero non mantida correctamente;  polo que día de hoxe o risco de accidente é maior xa que os conductores non  asocian este momento a non resolución do problema e o que é pior:  a deficiente sinalización non facilita a alerta necesaria”.

Nun comunicado de prensa aseguran que “resulta icompreníbel que despois de tanta visita a Mos  de autoridades da Xunta e da propia ministra Ana Pastor (...)  as medidas  tomadas son claramente insuficientes  para unha circulación segura  neste concello;  obrigación elemental que incumple o Goberno de Mos”.

O Grupo GañaMos insta e demanda  ao Goberno que tome en serio este problema e e faga seguras as vías de Mos antes de  que ocorra unha traxedia.