A Asociación de Diminuídos Físicos e Psíquicos de Mos, Asodifisi, celebrou esta tarde o seu 25 aniversario cunha gala conmemorativa na que estiveron presentes a alcaldesa mosense, Nidia Arévalo, a concelleira de Política Social, Sara Cebreiro, e outros membros da Corporación Municipal.

Cómpre destacar tamén a presencia de Asunción Monroy, presidenta de Asodifisi e María Carrera, expresidenta de Asodifisi. Así coma de Ramón Sestayo, vicepresidente de Cogami (Confederación Galega de Persoas con Discapacidade). E asistiu tamén Digna Rivas Gómez, deputada de Cohesión Social e Xuventude.

O evento levouse a cabo no auditorio do edificio Multiusos de Mos, sito nas Pozas, parroquia de Petelos, a partir das 18.00 horas; e contou coas actuacións musicais de Xulio Lorenzo e Alberto Cunha.

Os labores de presentador e maestro de ceremonias correron a cargo de Juan Lorenzo.

E un momento moi importante da tarde marcouno tamén a intervención da doutora Flor Pérez, colaboradora destacada nestes 25 anos da Asociación.

Ademais dos concertos, emitiuse unha proxección audiovisual sobre os 25 anos de historia da Asociación e pechouse o acto de celebración cun sorteo de agasallos doados por distintas empresas e particulares colaboradores.