O Motoclub Dagan, en colaboración co Concello de Gondomar, a Concellería de  Deportes e o Deporte Galego, organiza a Dagan Cup Supercross 2016, unha serie de probas de supercross que terán lugar o 11 de xuño a partir das 16:00 no circuíto de Morgadáns.

Este campionato non está federado, pero igualmente adaptase á actual normativa do deporte galego. Con esta iniciativa pretendese apoiar o noso deporto e crear un ambiente amigable cos/as apaixoados/as do supercross en Galicia. Este ano as categorías dos/as participantes van dende os 5 anos ata os máis veteranos, de 52 anos, coa novidade de que este ano as inscricións das mulleres no campionato é gratuíta.

Ás 09:00h. da maña comeza a verificación das acreditacións, seguida dun briefing ás 11:00h. e un adestramento a portas abertas ás 11:15h., todo isto no antigo campo de fútbol de Morgadáns.

A clausura do evento terá lugar por volta das 18:30  cunha entrega de premios.