O concelleiro de Deportes, Alberto Méndez, anunciou que hoxe, mércores 15 de xuño, abrirá as súas portas ó público a Piscina Municipal ó aire libre de San Eleuterio. Estas instalacións constan de dous vasos, un grande e un pequeno, destinado este último ó uso e desfrute dos cativos de menor idade.

A piscina permanecerá aberta ao público durante un período total de tres meses: dende o 15 de xuño ata o 15 de setembro.

Previamente á posta en funcionamento desta área de lecer, dende o Concello de Mos realizáronse labores de limpeza xeral de ambos vasos con reposición de auga e realización dos correspondentes tratamentos da mesma.

Estes traballos de mantemento realizáronse, segundo informou o edil Alberto Méndez, “para que todo estivese a punto e en perfectas condicións de uso no momento da apertura da piscina que terá lugar mañá mesmo”. A Piscina de San Eleuterio foi inaugurada en xullo de 2010.

O horario de apertura da piscina será de 11.00 a 22.00 horas ininterrumpidamente durante os meses de xuño e xullo; e de 11.00 a 21.00 horas o mes de agosto e do 1 ó 15 de setembro. As instalacións, que constan de dúas piscinas: unha grande e unha pequena -para os nenos de máis curta idade- como xa se dixo, e de baños, contarán en todo momento cos servizos dun socorrista. A piscina está situada na zona oeste da urbanización de San Eleuterio, na parroquia mosense de Tameiga, xunto ó parque infantil e a pista deportiva.