A Asociación de Veciños Chan do Bosque de Amieirolongo, parroquia de Sanguiñeda, organiza a súa propia fogueira de San Xoan que se celebrará o xoves 23 de xuño.

A programación de actividades comezará ás 17.45 horas da tarde para facer a recollida de herbas medicinais e, ademais de recolectalas, coñecer os seus diferentes nomes e propiedades.

A xornada vespertina contará tamén con xogos populares e agasallos para os máis pequenos, xunto con música e moita diversión coa amenización musical do grupo Amieiro e os acordeonistas da A.V.V. Chan do Bosque e As Lagarteiras das Pedriñas.

O lume e os conxuros da fogueira chegarán a partir de medianoite; e serviranse sardiñas, costela, chourizo, pan e viño a prezos populares. Organizarase tamén un sorteo e finalizarase cunha gran queimada.