Este mércores 22 de xuño terá lugar a presentación do festival Atlantic Fest na Illa de Arousa. A cita comezará ás 12:00 horas a bordo dun barco pesqueiro que sairá dende o embarcadoiro do Porto do Xufre e chegará ata a zona de bateas. Trala presentación e un pequeno aperitivo no barco, a hora de chegada prevista serán as 13:00 horas. Á presentación acudirá a Presidenta da Deputación de Pontevedra, Carmela Silva e o deputado de Turismo, Santos Héctor Rodríguez.

O Atlantic Fest é unha das sete citas que non te debes perder dentro da marca Festivais Rías Baixas impulsada pola Deputación de Pontevedra. O festival desenvolverase entre os días 1 e 3 de xullo no concello da Illa de Arousa e contará coas actuacións de, entre outras e outros, Xoel López, Nacho Vegas, José González ou Temples.