A organización da Volta Ciclista a España, a segunda etapa da mesma- que unirá Ourense e Baiona nun percorrido de 159 quilómetros- pasará por Ponteareas. A Volta, que este 2016, na súa 71ª edición, sae de Ourense e na que se disputarán sete xornadas en territorio de Galicia, terá na segunda etapa a primeira en liña do seu itinerario, logo da contrarreloxo por equipos do primeiro día.

De acordo cos datos facilitados pola organización, os ciclistas pasarán por Ponteareas a partir das 16.00 horas do vindeiro domingo 21 de agosto, circulando pola estrada N-120 ao seu paso pola vila, aínda que a caravana que acompaña aos deportistas transitará polo concello unha hora antes do paso dos deportistas.

A Volta 2016 se disputará do sábado 20 de agosto ao domingo 11 de setembro ao longo de 21 etapas, cun percorrido total de máis de 3.277 quilómetros. Haberá 7 etapas chas, dúas con final en alto, 12 etapas de media e alta montaña, unha contrarreloxo por equipos e outra individual. Os ciclistas terán que pasar 51 portos de montaña, cubrir 39 quilómetros crono en solitario e preto de 30 por equipos.