A Alcaldesa Nidia Arévalo e a concelleira Julia Loureiro  visitaron os mozos mosenses que disfrutaron durante esta semana dun campus Multiactividade na Praia de Patos.

O campus celebrouse en horario matinal, facilitando os pais a conciliación familiar e proporcionando  a Xuventude alternativas de ocio que favorecen as súas relacions sociais así como o coñecemento do seu entorno próximo.
O campamento resultou todo un éxito, xa que moitos dos rapaces que participaron nas xornadas xa desfrutaron no Nadal da experiencia de inciciarse na practica do surf, un deporte que engancha a todos aqueles que o practican, e que é moi demandado.  Moitos perfeccionaron os seus coñecementos, pero  outros atreveronse a  iniciarse nunha práctica deportiva divertida e saudable.

Non só a diversión viu da man do surf. Os nosos mozos coñeceron a practica doutros deportes acuáticos, como o PadelSurf ou o Kaiak, e realizaron rutas de sendeirismo onde aprenderon máis sobre as especies de flora e fauna que nos rodean, así como actividades de conservación do medio ambiente, facendo fincapé na importancia de manter a nosa natureza limpa e aprendendo o que  tardan en desfacerse  os residuos que as  veces deixamos nas praias e montes.

Os máis pequenos colaboraron  no simulacro do rescate dun Golfiño, da man da Ong de conservación e divulgación do medio mariño Cemma. Unhas experiencias únicas que se  levaron a cabo coa colaboración da Escola de Surf PradoSurf, que facilitou  que os nosos mozos disfrutaran nun entorno incomparable dunhas actividades  participactivas e igualitarias que favorecen o seu desenvolvemento social e persoal.