A Deputación de Pontevedra, mediante unha resolución presidencial, vén de aprobar o investimento de 28.297,41 € no concello de Mondariz-Balneario para a consolidación das ruínas da antiga lavandería. Esta achega vén enmarcada dentro da liña 1, investimentos, do Plan Concellos 2016.

Ata o momento o Goberno provincial xa entregou as seguintes cantidades ao abeiro do Plan Concellos a Mondariz-Balneario: na liña 1, 108.883,67 € por mor das renovacións do alumeado exterior da rúa Ramón Peinador e da estrada PO-254 á altura da rúa Constitución e das melloras na rúa Troncoso. Na liña 3, 6.269,42 € que financian o Campionato de Fútbol Sala, a actividade "Cine na Rúa", o Torneo de Golf e a peregrinación ao santuario da Franqueira. E no último lugar, á liña 4 de emprego se lle destinaron 58.987,32 € para a contratación de 14 traballadoras e traballadores que están a desempeñar as súas funcións nos servizos municipais.

O Goberno provincial xa entregou o 70,6% do total destinado a Mondariz-Balneario dentro do Plan Concellos 2016, situando neste momento o investimento na vila en 202.437,82 €.