A parroquia mosense de Cela celebra os vindeiros días 30 e 31 de xullo, e o 1 de agosto, as súas Festas de San Liborio. Hoxe sábado 30 de xullo unha salva de bombas anunciará o comezo das festas e ás 13.30 horas haberá unha gran tirada de fogos de artificio a cargo da Pirotecnia Argimiro Alborés. Pola noite, primeira gran verbena coa actuación das orquestras Palladium e Catedral.

O domingo 31 de xullo pola mañá fará a súa entrada cun pasarrúas no torreiro de festas a Banda de Música Agrupación Musical de Goian. E pola noite, segunda gran verbena co grupo Canela e a Orquestra Televisión.

E por último, o luns 1 de agosto, pola mañá ás 13.00 horas haberá sesión vermú a cargo do Grupo Atenas, e como remate das festas, a partir das 21.00 horas, actuarán o Grupo Atenas e a Orquestra Paris de Noia. Ó finalizar a festa haberá unha gran queimada.