A Concellería de Turismo, Cultura, Xuventude e Igualdade continúa coa programación das actividades do mes de agosto. O próximo mércores 31 de agosto haberá unha ruta cultural guiada polos pazos. A xente que non coñece o municipio terá un punto de encontro diante do Concello de Nigrán ás 18.30 horas. O comezo da ruta será ás 19.00 horas, diante da capela das Angustias, para o traslado é necesario levar vehículo propio.

O percorrido da ruta cultural comezará cunha breve explicación na capela das Angustias e seguirá coa visita do Pazo de Cea (incluido interior), o Pazo de Cadaval-Urzáiz (exterior) e o Pazo de Touza (incluido interior). A duración da mesma será de aproximadamente 2 horas e a dificultade é baixa.