A Consellería de cultura, Educación e Ordenación Universitaria acaba de adxudicar a obra prevista para este ano no IES de Mos. Cun orzamento de 79.780,66 €, os traballos consistirán na substitución do peche existente no instituto e na reparación e limpeza dos canlóns da cuberta.

Cun prazo de execución de 2 meses, a previsión é que a obra estea rematada antes de fin de ano. En calquera caso, o departamento educativo da Xunta de Galicia tomará "as medidas pertinentes para que as obras non afecten ao normal desenvolvemento da actividade lectiva" explican.