A Escola Municipal de Música do Porriño inicia a apertura do prazo de matrícula para o Curso 2016-2017, entre o 20 e o 23 de setembro, en horario de 4 a 8 da tarde.

O martes 20, mércores 21 e xoves 22, estará aberta a matrícula para antigos alumnos con prescrición, e dacordo á orde da data de entrega da documentación; o venres, 23, en horario de 16 a 18:30 h. será a quenda para os solicitantes novos con prescrición e o mesmo día, pero de  18:30 a 19:30 para solicitantes  con e sen prescrición, por orde de chegada e dependendo de que aínda haxa vacantes.  

Os responsábeis da Escola de Musica indican que cada día se matriculará a 9 ou 10 alumnos cada hora e que, cada día, se exporá no taboleiro de anuncios do Centro Cultural e na porta da Escola de Música, o listado de matriculacións.