Este fin de semana o miniBtt galego poñía fin a tempada 2016 en Cambados onde os pequenos bikers amosaron o público asistente as súas habilidades e dominio sobre as súas bicicletas, onde tiveron que afrontar os considerables desniveis de terreo que nos ofrecía a III edición MINIBTT Concello de Cambados que se disputou no milenario Monte da Pastora, que non só ofrecía unhas  fermosas panorámicas da Ría de Arousa e das ruínas de Santa Mariña, si non que tamén puxo a proba a resistencia e fortaleza de todos os participantes.

Nesta última proba o club Teabikes estivo representado polos bikers Nerea Soto e Iago González, onde ambos amosaron o seu bo estado de forma e impoñéndose cada un na súa categoría, poñendo o peche final a tempada  2016 como líderes indiscutibles do ranking xunto a Uxía Soto, que tendo asegurado desde fai nunha semana o liderato do ranking de miniBtt optou nesta ocasión pola modalidade de estrada onde conseguía subir o mais alto do podio na categoría alevín fémina, no concello de Porriño onde o  club ciclista Spol organizaba a XXXIX TROFEO FESTAS DO CRISTO.

Os pequenos integrantes do club Teabikes poñen peche a tempada do Minibtt como viu sendo de costume o longo de toda a tempada, desde o mais alto do podio onde tres dos seus integrantes terminan líderes do ranking galego de miniBtt. Nerea Soto na categoría Prebenxamín Fémina , Uxía Soto na categoría Alevín Fémina e Iago González na categoría Alevín Masculino.

A dirección do club Teabikes amosa a súa ledicia "pola gran tempada realizada polos seus pequenos integrantes augurándolles un futuro de triunfos si seguen traballando con esa ilusión e constancia"