A Xunta de Goberno da Deputación de Pontevedra vén de aprobar dúas novas axudas por valor de 218.165,72 € no concello de Tomiño cos que acada o grao de execución do 100% dentro do Plan Concellos 2016. Ambas as dúas axudas encádranse dentro da liña 1, de investimentos, do devandito plan, e correspóndense ás seguintes actuacións: por unha banda, a apertura dun camiño e o saneamento do barrio da Igrexa, en Pontellas (cunha achega de 147.700,82 €) e, pola outra, a mellora as instalacións deportivas no C.F. Atios (unha axuda de 70.464,90 €).

Esta achega súmase aos 528.648,38 €, en liña 1, destinados á rede de saneamento en Albarín, a un saneamento na Pereira-Contrasto (na parroquia do Contrasto), á renovación das instalacións do alumeado exterior da vila e ao acondicionamento dun local como futura sede do arquivo municipal da vila. Ademais, 38.000 €, dentro da liña 3, para o financiamento da escola municipal de música e para o apoio e reforzo escolar a menores en desvantaxe e por último 228.150,60 €, liña 4, para a creación de trinta novos postos de emprego nos servizos municipais do concello.

Co 100% do Plan Concellos 2016 xa completado, O Porriño recibe por parte da institución provincial un investimento total de  1.012.964,70 euros.