O Concello de Nigrán abre dende hoxe martes 4 de outubro ao día 11 o prazo de inscrición para participar no curso de "Poda e enxertos" que terá lugar do 17 ao 28 de outubro os luns, mércores e venres de 16.00 a 19.00 horas alternando con dous días de 15.00 a 19.00 horas (total 20 horas). A formación teórica será impartida no propio Concello e a práctica en fincas dos alumnos. No curso se definirán as principais especies froiteiras cultivadas e se describirán as técnicas de poda e enxerto en cada caso, poñendo os coñecementos en práctica. Os interesados deben anotarse na Oficina de Información Cidadá do Concello de Nigrán e abonar 30 euros.