Francisco Ferreira  visitou recentemente as obras na parroquia de Vincios xunto a empresa contratista encargada do proxecto. Durante a visita o alcalde tivo a oportunidade de comprobar a evolución das obras así como escoitar e solventar as cuestións dos veciños acerca delas.  As obras que ocupan un tramo duns 3km,  que beneficiarán a familias da zona, están a ser xestionadas  polo Concello de Gondomar a través dos fondos FEDER.

Os  77 mil euros de financiación destinanse  ao acondicionamento do pavimento, asfaltado de camiños, ampliación da calzada,  rectificado de cunetas, canalización das aguas pluviais, creación de arquetas e  melloras en xeral da accesibilidade. O tramo do barrio de Cerreda-Xian, que xa presenta visibles melloras,  inclue o percorrido dende a  antiga fonte ata  chegar as lindes do monte comunal.

Con este proxecto, o Goberno municipal de Gondomar consegue mellorar a accesibilidade e o acondicionamento da zona acrecentando a calidade de vida dos seus veciños.