Axentes da Policía Local do Porriño arrestaron o domingo, preto da 1 da tarde, a tres individuos que entraran na sede de Faurecia no Polígono Industrial de As Gándaras e, logo de agredir á vixiante -que precisou asistencia médica- levaron varios obxectos de dentro da fábrica.

Segundo indica o responsábel da Policía Local, a mesma fora requirida pola Garda Civil coma apoio, logo de que a Benemérita fose avisada de que estes suxeitos, un deles menor de idade, entraran na devandita nave.

Os individuos foron interceptados, viaxando nun furgón, na Ponte da Casilla, detidos e postos a dispor da Garda Civil, mentres que o vehículo trasladouse ao depósito municipal onde, horas máis tarde, a vixiante da empresa puido identificar os obxectos que levaba no seu interior como pertencentes á planta de Faurecia.