A Presidenta da Deputación de Pontevedra, Carmela Silva, anunciou esta semana a cesión gratuíta dun espazo  no viveiro de Barro-Meis tras manter unha xuntanza coa presidenta da Asociación de Jóvenes  Empresarios (AJE), Lucía Pedroso.

Esta cesión do espazo para desenvolver un proxecto empresarial, que  aínda está por definir si será unha oficina ou unha das naves, formalizarase mediante un convenio de colaboración entre AJE e a Deputación de Pontevedra, co que preténdese apoiar a cultura do emprendemento entre os xóvenes.

Carmela Silva subliñou que con este convenio a Deputación quere potenciar a cultura de emprendemento entre a poboación máis xoven xa que “as administracións debemos ser vehículos para que  entidades como AJE,  que son creadoras de riqueza e de tecido empresarial na nosa provincia, podan desenvolver o seu traballo”.

Pola súa banda, Lucía Pedroso agradeceu a disposición da Presidenta da Deputación de Pontevedra a colaborar con AJE e gran receptividade mostrada coa asociación para apoiar todas as iniciativas. “En 26 anos que leva funcionando AJE é a primeira vez que firmamos un convenio como este da Deputación e consideramos moi importante que as administración apoien os proxectos de emprendemento como é este caso”.

Na xuntanza de hoxe, a presidenta de AJE, aproveitou para presentarlle a Carmela Silva o “Premio Xoven Empresario do Ano”, que xa vai pola súa vinte unha edición e que serán entregados o próximo 11 de novembro.

Pedroso destacou que este espazo cedido pola Deputación de Pontevedra no viveiro de Barro- Meis vai ser un dos premios que AJE entregará nalgunha das distintas categorías do premio.