Exposicións, colocación de ‘Calacús’ dende Praza de  Antonio Palacios ata o barrio de San Sebastián, a Festa do Samaín, concertos, conferencias, actuacións líricas, cursos e competicións de xadrez,  clubes de lectura para adultos, de conversa en inglés ou obradoiros de alfabetización dixital, son varias das propostas do ‘Outono Cultural’ do Porriño, que empezou o pasado mércores, 19 de outubro e que chegará xa ata a primeira metade de decembro, pouco antes do inicio da programación de Nadal.

A estas iniciativas súmanse outras, coma ‘ACEESCA na rúa’, con postos de artesanía, cada 15 dias en varias rúas da vila; ‘A Comuniteca’, ata finais de novembro, na que se verá dos distintos xeitos de que hai de contra contos, ‘Lendo Xuntos’, na que se proporá coma se trasladan as historias ao papel, técnicas para crear personaxes e aventuras, coma pasos para finalizar coa elaboración dun libro entre todas e todos os asistentes.

A maioría das actividades terán coma escenario o Centro Cultural Municipal, a Biblioteca Municipal e varias da rúas máis transitadas do concello, fomentando a participación das veciñas e veciños de todas as idades, dende os cativos aos adultos