Dende a Executiva Local do PSdeG de Ponteareas, queremos comunicar  a continuidade inequívoca do compromiso adquirido cos cidadáns nas eleccións municipais. Asemade queremos manifestar a solidez e vixencia do pacto de goberno acadado con outras forzas políticas para dar reposta ás necesidades e demandas dos cidadáns de Ponteareas.

O respeto responsable a estes dous compromisos foi  unha decisión unánime dos militantes e simpatizantes, nas sucesivas reunións mantidas na Agrupación Local, a raíz dos acontecementos xurdidos nos órganos federais do partido.  A continuidade do traballo dos nosos concelleiros no goberno municipal foi un compromiso colectivo, por respeto e responsabilidade cos cidadáns e co pacto de goberno local.

Aínda que non nos guste que nos teñamos enterado pola prensa da renuncia do noso compañeiro Mario Lago, tamén é certo que o seu relevo estaba previsto dende hai varios meses,  e non vai alterar para nada a decisión de que unha nova compañeira se faga cargo da Concellería de Comercio e Consumo. Unha nova concelleira, da que estamos seguros vai saber xestionar e dar a resposta mais axeitada ás demandas e necesidades dos comerciantes , hostaleiros e consumidores de Ponteareas.