A alcaldesa do Porriño, Eva García de la Torre, acompañada polo concelleiro de Industria, Marcelino Coto, visitou este PASADO martes sede de Quobis, a empresa viguesa que traballa para empresas da importancia de Bosch, Alcampo ou PSA Peugeot-Citroën.  

Quobis, firma especializada en enxeñería de telecomunicacións, desenvolve proxectos de Infraestruturas Comúns de Telecomunicacións (ICT’s), deseño de redes de voz e datos ou instalación de redes sen fíos baseadas na tecnoloxía WiMAX, ten a súa central no Polígono de A Granxa e conta con máis de 30 traballadores.

Na actualidade é unha das compañías punteiras no seu sector grazas a varios dos seus programas, como un identificador de voz que permite recoñecer aos clientes durante unha chamada.

Ademáis, deseña un sistema que detecta fraudes nos servizos de comunicacións, desenrola xunto a R, Coremain ou Optare Solutions, un produto que estuda as preferencias dos usuarios e mellora o trato aos clientes ou impulsa en preto dunha ducia de proxectos de investigación de desenrolo.

Esta visita entra no marco do contacto permanente  que a alcaldesa e o concelleiro manteñen, dende o principio do mandato do actual Goberno local, coas empresas e firmas radicadas no Porriño para coñecer en profundidade as súas necesidades, os seus proxectos e abrir canles de comunicación que permitirán mellorar a rendibilidade e actividade das mesmas.