Con motivo das XIII Xornadas Micolóxicas do Concello de Mos, e xa que a micoloxía é unha actividade recreativa moi demandada pola cidadanía mosense que, no caso dos nenos, resulta descoñecida na meirande parte dos casos; as concellerías de Educación e Medio Ambiente, dirixidas polas edís  Kely Monzón e Julia Loureiro, respectivamente, organizaron unhas sesións lúdico-didácticas para que os alumnos e alumnas de Educación Primaria dos colexios de Mos descobran o entorno natural máis próximo, e os recursos que dito entorno ofrece a través da micoloxía.

A unha destas sesións, que deron comezo o martes 25 de outubro e finalizarán a semana que ven, e que contan cunha duración estimada de entre 60 e 90 minutos, acudiu hoxe as concelleira de Medio Ambiente, Julia Loureiro, para ver de preto coma desfrutaban os nenos e nenas de 1º curso de Primaria do colexio Pena de Francia.

Un total de 732 alumnos dos cursos de 1º a 5º de Educación Primaria dos cinco colexios públicos de Educación Infantil e Primaria do Concello de Mos están a ser beneficiarios desta charla instrutiva sobre a micoloxía, e dunha saída ó monte para localizar e identificar cogomelos.