A Concellería de Igualdade de Baiona, a través do Centro de Atención á Muller, presenta o programa “Conciliación NADAL 2016”, que ten como obxectivo promover a conciliación da vida familiar e laboral e ao mesmo tempo facilitar un espazo educativo e de entretemento para os nenos e nenas, favorecendo o seu desenvolvemento integral. A actividade é cofinanciada polas familias  participantes e o Concello de Baiona.

O programa, destinado a nenos/as de 3 a 12 anos,  desenvolverase nas seguintes datas: o 22,23,26, 27, 28,29,30  de decembro de 2016  e os días 2,3,4 e 5 de xaneiro de 2017 no CPI Covaterreña  en horario de 9:00 a 14:00 h.; aínda que por necesidade das e dos proxenitores, poderán acceder ao programa de 8:00 a 9:00 e saír de 14:00 a 15:00 horas.