A Responsábel de Organización de Erguer. Estudantes da Galiza, Iria Figueroa, afirmou que “a folga tivo un éxito absoluto de convocatoria, cun 90% de seguimento e máis de 4000 estudantes nas rúas nas dezasete mobilizacións que convocamos”, ao que engadiu que “o ensino medio seguirá en loita até que consigamos a derrogación da LOMCE, non nos valen as mensaxes confusas que lanza Rajoy á sociedade dando a entender que non haberá máis reválidas, mentres lexisla en sentido contrario. Non pararemos aquí e seguiremos en constante loita até que consigamos tumbar esta lei que atenta contra o ensino público galego”.