A alcaldesa so Porriño mantivo este venres unha xuntanza cos integrantes do Comité de Empresa de Frigolouro, que pedirán a xuntanza para coñecer a situación das relacións entre o Concello e a empresa.
Eva García de la Torre sinalou que é coherente coa súa opinión, que expresara o pasado mes de marzo aos traballadores que prestan servizo a Servicarne, parecer que non mudou dende que secundara as súas reclamacións laborais.

A alcaldesa repetiu que a súa posición é de “compromiso con dereitos fundamentais”, recoñecidos na Constitución e no Estatuto dos Traballadores, tal e como afirmara no pasado Pleno da Corporación, e  oito meses antes, cando se comprometera coas reivindicacións laborais dos traballadores.

Asemade, García de la Torre está “totalmente disposta” a iniciar un diálogo con Frigolouro, “empresa coa que o Concello non ten conflito algún”. Neste senso, e “para que cada poidamos expoñer o que nos inqueda a cada unha das partes”, a semana que ven manterá unha reunión cos responsábeis da empresa.

A alcaldesa sí quixo deixar claro aos membros do Comité de Persoal que non asinará convenio algún con Frigolouro se o mesmo non contempla “unhas condicións de traballo dignas para o persoal” e se non se garante no mesmo a continuidade da empresa no Porriño, “con carga de traballo”, requisitos que xa expuxera no pasado Pleno da Corporación en resposta a unha pregunta do voceiro do grupo municipal do Bloque Nacionalista Galego.