O Concello de Nigrán súmase mañá á Xornada Internacional  “Cidades pola Vida, Cidades contra a Pena de Morte” organizada conxuntamente entre Amnistía Internacional e a Comunidad de Sant’Egidio (o 30 de novembre de 1786 o Gran Ducado de Toscana foi o primeiro Estado en abolir a pena capital, de aí a data elexida). Este día conmemórase dende 2002, cando comezou coa participación de 80 cidades e na actualidade son máis de 2.000 dos cinco continentes, das que 78 son capitais. Nigrán participará cunha pancarta alusiva na fachada do consistorio.

"Temos un compromiso en favor do respeto da vida e da dignidade humana e dende o Concello aproveitamos a ocasión para sensibilizar á veciñanza sobre a urxencia de eliminar a práctica inhumana da pena capital do panorama xurídico e penal dos Estados", declara o alcalde, Juan González.

A lo menos 1.634 personas foron executadas en 2015, un aumento de máis do 50% con respecto a 2014 sendo a cifra máis alta rexistrada por Amnistía Internacional desde 1989, o que exixe un esforzo adicional por parte das institucións comprometidas cos dereitos humanos para acabar coa pena de morte no mundo. Do total de execucións, cerca do 90% as realizaron catro países, por este orde Irán, Pakistán, Arabia Saudí e Estados Unidos (China non se porque se tratan como secreto de Estado, poidendo subir a cifra en miles). Sen embargo, hai motivos para o optimismo: o número de penas de morte impostas en 2015 decreceu con respecto a 2014, e máis dun cento de países aboliron xa por completo a pena de morte.