O Concello de Ponteareas vai organizar para o día 27 de xaneiro unha xornada de traballo (networking) para o sector industrial do Concello que se vai celebrar no Centro de Desenvolvemento Local.

“Somos conscientes desta situación e agardamos unha pronta resolución da Xunta sobre o Plan urbanístico, un primeiro paso imprescindible para resolver moitas das dificultades para manter e ampliar a actividade empresarial e industrial”, comunica o alcalde, Xosé Represas.

No camiño á modernización da administración local co obxectivo de elaborar unha resposta áxil e eficaz que ofrecer aos empresarios e a cidadanía tópase o Goberno municipal de Ponteareas, tras diversas conversas co sector no que corresponde ás responsabilidades municipais para coa recuperación do tecido industrial de Ponteareas, unha demanda unánime e ineludible para crear emprego e riqueza no termo municipal.

Con este encontro pretendese un maior coñecemento da actividade industrial de Ponteareas cara a administración local, aínda que tamén iniciar un proceso de maior relación entre todas as empresas existentes porque terá redundancia en maior actividade e negocio, amais de informalas sobre os aspectos referidos ao traballo en rede (networking)