Unha persoa perdeu a vida esta tarde tras sufrir un accidente na PO-331, ao paso polo Porriño. Así o confirmaron os Bombeiros do Baixo Miño, que acudiron a liberalo.

O accidente rexistrouse pasadas as seis desta tarde, concretamente, nas curvas da Abelenda.

As persoas que chamaron ao 112 para pedir axuda aseguraron que o coche quedou encaixado baixo o camión e o condutor estaba atrapado.

Así, os xestores do Centro de Atención ás Emerxencias avisaron aos bombeiros, que, unha vez no lugar do accidente, comprobaron que a persoa estaba falecida.

Ademais, informaron aos profesionais de Urxencias Médicas, axentes da Garda Civil de Tráfico e aos membros do servizo local de Emerxencias.