A Asociación de Comerciantes do Porriño (ACIPOR) e o Centro Comercial Aberto “Morea” lanzou estes días a súa campaña de promoción das compras de Nadal con premios de ata 3.000 euros por facer as compras navideñas nos comercios asociados. Asimesmo, como xa é tradicional, volve a tarxeta-agasallo do CCA Morea, como unha alternativa de agasallo navideño do comercio local.

 As tarxetas-agasallo, que poderán ser utilizadas en calqueira establecemento adherido ao CCA Morea e que veñen presentadas nunha caixiña para agasallo. Representan así, outro xeito de regalar este Nadal, e poderán ser usadas en todos os establecementos adheridos á campaña, permitindo un agasallo diferente que dá ao agasallado a posibilidade de elixir o seu propio agasallo.

Os interesados en facerse con ela, teñen a disposición as tarxetas-agasallo a diferentes prezos. Así, poderán atopalas a 20 euros, 30 euros ou 50 euros para gastar no comercio local do Porriño. Poderán adquirirse nas Librerías Paz, Recondo e Copy Rey.

 Comprar en Morea ten premio!

 Asimesmo, ACIPOR e o CCA Morea informan aos consumidores que merquen nos comercios adheridos ao CCA Morea, que poden optarán a gañar un dos 50 cheques agasallo de 60 euros cada un que sorterarán con motivo da campaña de Nadal, un total de 3.000 euros en premios.

 Trátase dunha iniciativa que procura que os consumidores fagan as súas compras de Nadal no comercio local ofrecendo ademáis de produto de calidade, un incentivo máis á hora de realizar as súas compras de Nadal no Porriño.

 Así, cada vez que se merque nun establecemento, o consumidor entrará a participar no concurso do 50 cheques-agasallo de 60 euros.